Моладзевая акцыя ў Менску: два затрыманыя

аўтар Любоў Лунёва

Глеб і Зьміцер, два актывісты незарэгістраванай моладзевай арганізацыі “Бунт”, якія прасілі не называць іх прозьвішчаў, былі затрыманыя байцамі спэцназу міліцыі каля гандлёвага дому “На Нямізе”.

Разам з затрыманымі быў карэспандэнт газэты “Наша ніва” Яраслаў Сьцешык.

Маладыя людзі спрабавалі правесьці сярод мінакоў апытаньне, ці падобныя дыктатары адзін да аднаго.