Іран распачаў чарговы праект у Беларусі
17.03.2008 10:32
Іран пачаў будаваць у Берасьці першы іранскі камэрцыйна-спартовы цэнтар.
Комплекс будзе ўключаць у сябе розныя адміністрацыйныя офісы, амфітэатры, канфэрэнц-залі і памяшканьні для сталых выставаў іранскіх тавараў, паведамляе агенцтва ISNA.
Кіраўнік гарадзкой адміністрацыі Берасьця Аляксандар Пальшанкоў запэўніў, што іранскія інвэстыцыі будуць надзейна абароненыя.
Плянуецца, што новы цэнтар, будаўніцтва якога будзе каштаваць 15 мільёнаў даляраў, пачне дзейнічаць праз 2 гады.