Будзе “Карта беларуса”?
29.05.2008 11:32
Начальнік консульскай управы МЗС Беларусі Андрэй Гіро паведаміў пра падрыхтоўку праекту Закону “Аб суайчыньніках, якія пражываюць за мяжой”.
Паводле спадара Гіро, гэты законапраект знаходзіцца ў першапачатковай стадыі распрацоўкі. Мяркуецца, што ён будзе вызначаць катэгорыі асобаў, якія адносяцца да замежных суайчыньнікаў, рэглямэнтаваць асновы дзяржаўнай палітыкі ў галіне адносін з суайчыньнікамі, паўнамоцтвы дзяржаўных органаў і іншае.
“Аднак гаварыць пра што-небудзь больш канкрэтнае заўчасна”,-- падкрэсьліў спадар Гіро ў часе онлайн-канфэрэнцыі на сайце БелТА.