У лес… па самагон
29.05.2008 12:17
14 тон брагі, 450 літраў самагону, 36 мяхоў мукі. Такі «ўлоў» супрацоўнікаў Дзяржаўнай інспэкцыі аховы жывёльнага і расьліннага сьвету ў Іжскім лясьніцтве Вілейскага раёну.
Лясны гарэлачны завод быў арганізаваны трыма жыхарамі Радашковічаў, паведамляе Інтэрфакс. Адкідамі самагонаварэньня забруджаныя 22 соткі лесу.
Лясную вытворчасьць гарэлкі разбурылі, а ў дачыненьні да яе арганізатараў склалі адміністратыўныя пратаколы. Іх могуць прыцягнуць і да крымінальнай адказнасьці паводле артыкулу «Забруджваньне лесу». У такім выпадку ім будзе пагражаць пакараньне да трох гадоў пазбаўленьня волі.