У Беларусі падаражэе ялавічына
30.05.2008 12:55
Закупачныя цэны на ялавічыну будуць павышаныя прыблізна на 10 працэнтаў. Пра гэта паведаміў на сумесным паседжаньні дзьвюх палат Нацыянальнага сходу міністар сельскай гаспадаркі і харчаваньня Сямён Шапіра.
Ён патлумачыў, чаму міністэрства настойвае на падаражэньні ялавічыны. Рэч у тым, што кураціна і сьвініна ў Беларусі прыблізна каштуюць столькі ж, колькі ў суседзяў. Таму, каб ялавічыну зь Беларусі не вывозілі, міністэрства прапануе ўраду падвысіць на яе цэны.
Наступнае, на што могуць павысіцца цэны, — малочная прадукцыя. Але гэтае падвышэньне, паводле міністра, адбудзецца не раней за восень.
Няма камэнтароў. Дадайце свой і будзьце першы