Франка Вячорку пад канвоем адвезьлі ў ваенкамат
06.06.2008 16:14
Яго затрымалі міліцыянты, як толькі ён выйшаў з пад'езду свайго дому. Яны ўручылі яму позву ў ваенкамат і на відэакамэру здымалі, як Франак падпісвае дакумэнт.
Пасьля гэтага ў Вячоркі адабралі мабільны тэлефон і пад аховай адвезьлі ў ваенкамат. Там ён меў размову з намесьнікам кіраўніка ваенкамату. Той папярэдзіў Франка, што ад панядзелка яму будзе абмежаваны выезд за мяжу.
Франак папрасіў даслаць яму позву на хатні адрас. Ён заявіў, што прызнае яе сапраўднай толькі ў тым выпадку, калі яна будзе напісана па-беларуску.