Полацак: штраф за заклік спыніць дыктатуру
13.06.2008 18:47
Актывіста незарэгістраванай арганізацыі “Малады фронт” Дзяніса Хаберава пакаралі штрафам на 20 базавых велічыняў (гэта 700 тысяч рублёў) за ўдзел у несанкцыянаваным пікеце.
Нагадаем: 11 чэрвеня пяць маладафронтаўцаў насупраць будынку Полацкага гарвыканкаму ладзілі пікет. Яны стаялі з плякатам “Стоп — дыктатура!”
Міліцыянты склалі пратаколы на чатырох удзельнікаў пікету, а Дзянісу выклікалі “хуткую”, бо яму стала кепска. 12 чэрвеня суд разгледзеў пратаколы і пакараў затрыманых штрафамі.