А. Мілінкевіч: “На крок Беларусі патрэбны крок Эўразьвязу”
26.08.2008 21:34
Кіраўнік незарэгістраванага руху “За свабоду”, былы кандыдат на прэзыдэнта Аляксандр Мілінкевіч вітаў гатоўнасьць Эўразьвязу перагледзець санкцыі супроць беларускага рэжыму у адказ на вызваленьні палітвязьняў.
“Па-першае я заўсёды быў і застаюся за дыялёг, за тое, каб была выпрацавана пакрокавая стратэгія, такая дарожная мапа і з боку Беларусі, і з боку Эўразьвязу. Вызваленьне палітвязьняў – гэта для ўсіх нас значная падзея, гэта маральны крок і я лічу, што Эўразвяз павінен на гэта адрэагаваць.
Калі будуць наступныя крокі, будуць вольныя мэдыі, будуць выбары -- хаця ўжо мала надзеі – хоць трошкі больш дэмакратычныя, я лічу, што Эўразьвяз абавязкова мусіць пачынаць шырэйшае эканамічнае супрацоўніцтва. Па-ранейшаму думаю, што нам пагражае эканамічная татальная залежнасьць, калі не рабіць рэформы. Таму я мяркую, што гэта вельмі добры крок, які мусіць рабіцца.
Санкцыі і ўводзіліся з тае прычыны, што перш за ўсё былі палітвязьні, што былі рэпрэсіі супроць мэдый, супроць палітыкаў. І таму, калі ёсьць крок з боку беларускай ўлады, патрэбны крок з боку Эўразьвязу. Гэта натуральны працэс, і я вітаю яго”.
Няма камэнтароў. Дадайце свой і будзьце першы