НАТА: вучэньні ў Чорным моры – плянаваныя
28.08.2008 13:47
Прадстаўнікі НАТА абверглі цьверджаньні Расеі, што альянс нарошчвае ваенную прысутнасьць у Чорным моры.
Паводле НАТА, ваенныя караблі альянсу -- адзін гішпанскі, адзін нямецкі і адзін польскі – разам з амэрыканскім фрэгатам бяруць удзел у даўно заплянаваных трохтыднёвых вучэньнях каля ўзьбярэжжа Румыніі і Баўгарыі.
На фоне напружанасьці ў адносінах паміж Захадам і Расеяй у сувязі з расейска-грузінскім ваенным канфліктам намесьнік начальніка генштабу Расеі 28 жніўня заявіў, што расейскія ваенна-марскія сілы адсочваюць "нарошчваньне сілаў" НАТА ў Чорным моры.
Няма камэнтароў. Дадайце свой і будзьце першы