За 10 гадоў наркаманаў паболела ў 3 разы
28.08.2008 14:39
“На афіцыйным уліку ў Беларусі знаходзіцца болей за 13 тысяч людзей, якія пакутуюць на нарказалежнасьць”, — заявіў прадстаўнік Генэральнай пракуратуры Ўладзімер Мацэль.
Начальнік аддзелу па наглядзе за сьледзтвам у органах унутраных справаў зазначыў: “Гэта афіцыйныя лічбы, рэальная колькасьць наркаманаў у Беларусі — 70—80 тысяч”.
“У Беларусі дамінуюць спажыўцы і распаўсюднікі наркотыкаў расьліннага паходжаньня, але ў апошні час у моладзевым асяродку акрэсьлілася тэндэнцыя ўжываць сынтэтычныя наркотыкі”, — паведаміў журналістам начальнік упраўленьня супрацьдзеяньня наркагандлю і гандлю людзьмі МУС Аляксандар Гаўрылаў.
“За апошнія гады пачасьціліся выпадкі арганізацыі на тэрыторыі рэспублікі падпольных лябараторыяў па вытворчасьці сынтэтычных наркотыкаў”, — дадаў А.Гаўрылаў. У 2007 годзе ў Беларусі было знойдзена 8 такіх лябараторыяў, перадае Інтэрфакс.
Няма камэнтароў. Дадайце свой і будзьце першы