Затрыманьне М.Лазоўскага працягнулі на 10 дзён
Пра гэта “Радыё Свабода” паведаміла жонка затрыманага былога актывіста “Белага легіёну” Ніна Шыдлоўская.
“Я толькі што выйшла з ізалятару на Акрэсьціна, дзе трымаюць майго мужа. Сёньня сканчаецца тры дні як ён быў затрыманы, але ўжо пракурор санкцыянаваў новы тэрмін ягонага затрыманьня – 10 дзён. Закон гэта дазваляе. Фармальна Міраслава правяраюць на датычнасьць да “дэструктыўнай арганізацыі”, – сказала Ніна Шыдлоўская.
У ізалятары на Акрэсьціна ў Ніны Шыдлоўскай прынялі перадачу для мужа.